Primeiru Ministru, Taur Matan Ruak. Imajen/Antonio Goncalves

DILI, 28 fevereiru 2020 (TATOLI)–Primeiru-Ministru (PM), Taur Matan Ruak, atualiza ba Prezidente Repúblika (PR), Francisco Guterres “Lú Olo” katak maske seidauk hetan solusaun ba situasaun pilítika atuál maibé situasaun seguransa iha territóriu tomak oras ne’e daudaun kontinua Kontroladu.

Hafoin hala’o sorumutu ho PR, Primeiru-Ministru, Taur Matan Ruak, mós apela ba joven sira atu tuur hakmatek no labele kria instabilidade iha rai ne’e. hodi fó biban ba polítiku sira atu buka solusaun ba impase polítika iha rai laran.

“Ha’u apela ba joven sira, labele ataka malu. Sé mak ataka malu, ne’e krime no ida-idak mak tenke responsabiliza ninia aktu sira,”  PM Taur Matan Ruak hato’o lia tatoli ne’e mídia sira hafoin hala’o enkontru semanál ho PR Lú Olo iha palásiu Prezidensiál Bairru-Pité, Dili, ohin.

Nia hatutan, sorumutu semanál ne’e atu informa de’it ba Prezidente Repúblika kona-ba situasaun rai laran liuliu haree husi aspetu seguransa nian ne’e buat hotu la’o di’ak,”

Entretantu, antes ne’e Komandante Jerál Polisia Nasionál Timor Leste (PNTL), Komissáriu Faustino da Costa hateten, situasaun atuál iha territóriu Nasionál sei hakmatek maske politika rai laran sei kontinua enfrenta impase.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here