Avansadu prinsipal Boavista FC Timor Henrique Martins.

DILI, 28 fevereiru 2020 (TATOLI)-Jogadór avansadu hosi Klube Boavista FC Timor, Henrique Martins, informa sei kontinua hela hamutuk ho ninia kolega jogadór seluk iha klube hodi joga durante kompetisaun Liga Futeból Amadora (LFA), époka 2020.

“Semana hira liubá ami rona ona informasaun hosi Prezidente klube ne’ebé ha’u sei mantein iha Boavista ba époka ida ne’e,”dehan Jogadór ho naran bolu Riky ba Agência TATOLI, via WhatsApp sesta ohin.

Jogadór Selesaun Nasionál Seniór ne’e mós hateten foinlalais ne’e hetan kontaktu direta hosi Prezidente Klube husu nia atu kontinua joga iha époka ida ne’e

Nia dehan, mezmu, to’o oras ne’e klube seidauk halo treinamentu no preparasaun seluk tan, maibé jogadór senior ne’e aprofunda katak sei esforsu hodi kompete liután iha eventu nasionál ne’e.

“Maske to’o agora klube seidauk halao treino ba époka ne’e maibé hanesan jogadór ita rasik tenke prepara fíziku hodi hasoru liga iha époka ne’e,”tenik tan.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here