Komandante Polisia Munisípiu Dili, Superintendente Xefe, Armando Monteiro. Imajen/Eugénio Pereira

DILI, 27 fevereiru 2020 (TATOLI) -Joven ida ho inisiál ADN (22), ohin, tuku 5.30 madrugada, monu ho motor Honda Beat no mate fatin iha area Maskarinhas, Dili.

Matebian kondús motor ho númeru matrikula  0695 TLS halai ho velosidade no la konsege kontrola ekilíbriu hodi monu ba rai no rezulta mate fatin.

Hafoin akontesimentu  ne’e, Polísia Unidade Tránzitu to’o kedas iha fatin hodi halo identifikasaun no komunika  ho ambulánsia hodi evakua matebian ba iha Ospitál Nasionál Guido Valadares (HNGV).

“Motorista ne’e tanba halai ho velosidade maka’as la kontrola an ho nune’e ida-idak monu rezulta mate iha fatin rasik,” informa Komandante PNTL Munisípiu Dili, Superintendente Xefe Armando Monteiro, ohin, ba jornalista sira iha Komandu PNTL Munisípiu Dili, Caicoli.

Armando Monteiro  apela ba motorista hotu atu kondús motor no karreta atu halai kontrola velosidade, nune’e evita asidente ne’ebé ema hotu la espera.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here