Mellór markadór-sira. Imajen Mídia LFA

DILI, 25 fevereiru 2020 (TATOLI)-Prezidente Klube Fitun Estudante Lorosa’e (FIEL), José da Conceição, hateten sei fihir figura ne’ebé iha kapasidade hodi lidera Liga Futeból Amadora (LFA) iha epoka 2020 durante Kongresu Nasionál ne’ebé sei hala’o iha loron 21 fulan-marsu tinan ida ne’e iha Timor-Plaza Dili.

“Kongresu agora ami klube sira sei haree ema ne’ebé di’ak hodi lidera liga ne’e bele la’o ba oin. Ita tenke haree ema ne’ebé iha kapasidade,” katak Prezidente Klube FIEL, ba Agência TATOLI iha Edifísiu ANTIL, Faról Dili, tersa (25/02/2020).

Kongresu nasionál daruak iha fulan marsu tinan ne’e hodi hili ema foun atu lidera LFA tanba iha epóka tinan haat ba kotuk lidera ona hosi Nilton Gusmão.

Liga Futeból Amadora realiza  ona iha tinan 2015 no Klube AD.SLB Laulara mak sai kampiaun da-huluk no segunda vensedór maka F.C Cacusan.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here