Masdre Guilermina Marsal, apresenta hela Familia vitima Joventudi na'in tolu ne'ebé kondenadu na'in rua nu'udar membru PNTL tiru mate iha trajedia Kulu-hun de Baixo bainhira halao dilalogu no rekonsiliasaun ho familia vitima Kuluhun iha Salaun Madre Canosiana, Balide, Segunda 18 Marsu 2019. Imajen/Antonio Goncalves

DILI, 25 fevereiru (TATOLI) – Defensór Públiku (DP), Eustáquio Guterres, ne’ebé fó asisténsia legal ba arguidu FMS ho arguidu JPA solisita ba Tribunal Distritál Dili (TDD) atu absolve  arguidu FMS tanba depoimentu Ministériu Públiku (MP) ne’ebé imputa ba FMS la provadu.

Notísia Relevante : Kazu Kuluhun, MP Solisita ba TDD Aplika Pena Prizaun La Bele Menus Husi Tinan 25

Arguidu na’in rua akompaña hosi sira nia defeza iha TDD. Imajen/Domingos Piedade Freitas

Liuhusi kontinuasaun julgamentu ba kazu omisídiu agravadu ne’e, ohin, iha TDD, Defensór Eustáquio Guterres, husu ba juiz koletivu atu tetu didi’ak deklarasaun ne’ebé antes nee arguidu, lezadu, sasin, inklui relatóriu teste balístiku no médiku espesialista sirúrjiku husi Ospitál Nasionál Guido Valadares (HNGV) ne’ebé deklara ona iha Tribunál.

Eustáquio Guterres hatete, arguidu FMS nia deklarasaun ba aktu ne’ebé nia komete ho parsialmente no justu ba tribunál. Momentu ne’ebá arguidu inisiál FMS partisipa duni iha festa nee, maibé nia la hemu tua, tanba sofre hela moras balun no nia mós rekoñese katak, nia tiru duni dala lima sa’e ba leten, maibé la tiru tun no tesik.

Iha fatin hanesan Advogadu Privadu Pedro Aparício mós husu tribunál atu tetu didi’ak prova ne’ebé arguidu, lezadu no sasin sira ne’ebé deklara ona iha tribunál koletivu atu fó justisa ne’ebé justu ba kliente sira.

Nia konsidera entre arguidu FMS no JPA nia deklarasaun iha kontradís iha primeiru interrogatóriu no julgamentu sira liu ba.
Nia mós preokupa hosi rezultadu no hosi teste balístiku ne’ebé la klarifika loloos provas sira kona-ba arma ne’ebé arguidu nain rua uza.

Rona tiha alegasaun hosi defeza, tribunál deside adia hikas audiénsia  julgamentu ne’e ba loron 23 marsu 2020, hodi rona desizaun finál.

Audiénsia julgamentu ne’e  prezide hosi juiz koletivu Sribuana da Costa, Edite Palmira, Evangelino Belo, Ministériu Públiku reprezenta hosi prokuradór Jacinto Babo, arguidu sira hetan asisténsia legál husi advogadu privadu Pedro Aparício no defensór públiku Eustáquio Guterres.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here