Eis Prezidente Repúblika, José Ramos Horta José Ramos Horta.Imajen/TATOLI

DILI, 25 fevereiru 2020 (TATOLI)–Laureadu Premiu Nobel da Paz, José Manuel Ramos Horta hateten, nia prontu ajuda IX Governu bainhira presiza hanoin ajuda hodi tane Governu ne’e ba oin.

“Ha’u hanesan pesoál informal ha’u ajuda. Nune’e tane Governu ida ne’e ba oin. Tanba falta tinan rua ho balu, ne’e difisil tebes atu book an. Ita iha obrigasaun morál no obrigasaun polítika atu ajuda,” dehan Laureadu Premiu Nobel da Pas, Jose Ramos Horta, hafoin tuir serimónia tomada de pose ba estrutura foun AJTL iha Salaun Ministériu Solidariedade Sosiál no Inkluzaun (MSSI), Caicoli, Dili, tersa (25 fevereiru 2020).

Nia dehan, Governu foun ida ne’e nia fiar Maun boot Xanana ema ida ne’ebé mak matenek ho esperiénsia naruk tanba negosiasaun fronteira marítima Austrália no terrestre Indonézia la’o di’ak no iha tempu badak bele hetan akordu.

Aleinde ida ne’e, nia hateten projetu boot greater sunrise tasi mane para nune’e ba oin no mundu mós enfrenta krize ekonómika mundiál. Defisil tebes no folin mina tun siginifika osan mós menus tanba tenke lider ida forte maka Xanana atu kontinua lidera IX Governu no labele muda ba muda mai.

Nia relata, to’o agora laiha ema ida mak foti nia sai Primeiru-inistru (PM). Dalabarak, nia dehan, nia ko’alia ona ho Xanana Gusmão maibé nein foti nia sai asesór.

“Ha’u laduun preokupa ho ida ne’e maibé tuir ha’u-nia konsiénsia no ha’u-nia komitmentu buka ajuda atuál Governu, VIII Governu ida ne’e tanba Governu ita-nian,” nia esplika.

Notísia Relevante: Ramos Horta Husu PR no PM Funsiona To’o Governu Foun Simu Pose

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here