PGR José da Costa Ximenes. Imajen/Egas Cristovão

DILI, 24 fevereiru 2020 (TATOLI) – Prokuradór Jerál Repúblika (PJR), José da Costa Ximenes, hateten, korrupsaun nia fenómenu bele estraga valor estadu direitu demokrátiku. Tanba estadu direitu asenta prinsípiu primadu ba lei ne’ebé aspira hosi justisa sosiál liuhosi moris di’ak ba nia sidadaun.

Notísia Relevante : KAK Hala’o Servisu ho Espiritu Imparsialidade

PJR José da Costa Ximenes hato’o lia hirak ne’e, ohin, bainhira sai oradór iha semináriu  nasionál komemorasaun aniversáriu Komisaun Anti Korrupsaun (CAC) ba dala-10 (2010-2020) iha salaun Ministériu Finansa Ai-tarak Laran, Dili.

Nia hatete, oportunidade korrupsaun bainhira mosu kontamina ho sistema administrasaun públika ho prátika illegal ne’ebé bele sakrifika ben komún hodi fó de’it ba ema balun nia interese.

Bainhira ko’alia kona-ba korrupsaun, hateten PJR José Ximenes, fenómenu extremamente konfigurasaun ho kompleksidade hosi relasaun sosiál, ekonómika ho polítika no fenómenu modernu ohin loron la’o estrutura teknolojia ne’ebé avansadu.

Nia fó ezemplu hanesan krime prátika droga, dala ruma tama mai Timor no sai hosi Timor tanba iha kotuk iha subornu ka korrupsaun ba autoridade públika, nune’e ultrapasa hodi bele movimenta.

Tuir nia observasaun, area  risku korrupsaun iha Timor-Leste iha servisu Alfándega.  Ezemplu, tanba saida mak droga bele tama Timor no sai hosi Timor no sasán kontra bandu tama sai hanesan mina no karreta ho motor dokumentu la iha, jogu illegal, kasino no sira seluk tan. Tanba ne’e Servisu integradu presiza ezerse nia funsaun kontrola didi’ak ho forma sira seluk tan presiza halo, tanba korrupsaun fó efeitu estraga ekonomia nasaun nian.

Iha fatin hanesan eis komisáriu KAK Adérito de Jesus Soares, nu’udar mós oradór iha semináriu KAK nian ne’e  hateten, atu kombate korrupsaun iha Timor-Leste iha pontu importante 10 mak hanesan; tenke iha vontade polítika, enkuadramentu legal sufisiente, reforsa kapasitasaun instituisaun ninian.

Importánsia enkuadramentu lei, orsamentu ho ekipamentu fasilita prosesu investigasaun, koordenasaun di’ak entre instituisaun sira, kooperasaun internasionál hodi haree ba krime korrupsaun hakat liu fronteira, papél mídia hodi divulga informasaun, papél sosiedade sivíl ba prevensaun no ikus polítika governu ba ema ki’ak.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here