Komandante foun UPM, Superintendente Asistente, Basilio de Jesus. Imajen/Eugénio Pereira

DILI, 24 fevereiru 2020 (TATOLI) – Komandante Jerál Polisia Nasionál Timor-Leste (PNTL), Komisáriu Faustino da Costa, semana kotuk, fó ona pose ba Superintendente Asistente, Basilio de Jesus, hodi lidera Komandu Unidade Polisia Marítima (UPM) troka Saudozu Komandante Superintendente Xefe, Lino da Silva Saldanha.

Nomeasaun ne’e bazeia ba despaxu Komandante Jerál Nu.105-A/CG-PNTL/II/2020 Komandu Polísia Nasional Timor-Leste (PNTL).

Antes ne’e, Superintendente Asistente, Basilio de Jesus, asume kargu hanesan Diretór Finansas no Orsamentu PNTL. Serimónia tomada pose ne’e hala’o antes realizasaun enkontru Konsellu Superior PNTL nian ba dala uluk iha tinan 2020.

Komandante Operasaun Nasionál PNTL, Superintendente Xefe, Pedro Belo dehan, nomeasaun ba Superintendente Asistente, Basilio de Jesus, hodi kontinua funsiona servisu Unidade Polisia Marítima.

Ajénsia Tatoli tenta konfirma ho Komandante foun UPM, Superindente Asistente, Basilio de Jesus, seidauk iha tempu atu fó komentáriu tanba agora foku ba programa servisu ne’ebé sei hala’o iha UPM.

Jornalista :  Eugénio Pereira  

Editór       : Francisco Simões

 

HAKEREK NO HATÁN

Please enter your comment!
Please enter your name here