Diretór Ezekutivu ANAAA, Edmundo da Silva Viegas. Foto: UNILAB

DILI, 24 fevereiru 2020 (TATOLI)-Diretór Ezekutivu Ajénsia Nasionál Avaliasaun Akreditasaun Akadémika (ANAAA) konsidera ejisténsia Departementu Fízika no Desportu iha Universidade Nasionál Timor Leste importante hodi prodús profesór sira iha área desportu ba futuru.

Tanba tuir nia kuaze eskola ensinu sekundáriu atus ida resin ne’ebé maka dadaun ne’e estabelese ona iha Territóriu Timor-Leste sei infrenta problema falta profesóres iha área desportu.

Notísia Relevante :ANAAA Hein Pedidu Avaliasaun Hosi UNTL

“Ita haree Instituisaun ensinu superiór sira ne’ebé ejiste úniku Universidade Nasionál Timor Lorosa’e (UNTL) mak loke ona kursu Edukasaun Fízika no Desportu ne’e,” dehan Edmundu Viegas ba TATOLI,iha ninia servisu fatin Matadouru,ohin.

Notísia Relevante :Departementu Desportu UNTL Kontinua Esforsu hodi Hetan Akreditasaun

Diretór Ezekutivu ne’e husu ba parte kompetenti UNTL atu kompleta ona rekomendasaun ANAAA nian liliu hakbiit rekursu umanu, ekipamentu no seluk tan iha Departementu Desportu universidade nian hodi bele hetan ona akreditasaun.

“UNTL mak tenke aselera prosesu sira ne’e atu prienxe kondisoens hotu atu prosesu ensinu aprendijazen bele la’o normal hodi nune’e kada tinan sira bele simu estudante foun no atinji prosesu graduasaun ba estudante finalista sira atu bele reforsa Eskola Ensinu Sekundáriu sira iha territóriu ida ne’e,” Nia akresenta liután.

Notísia Relevante :SEJD iha Kompromisu Apoiu Departamentu Desportu UNTL

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here