Aviaun Aero ne'e mak monu ohin dader. Imajen hosi mídia sosiál

DILI, 24 fevereiru 2020 (TATOLI)Xefe Investigasaun ba asidente Aviaun Aero Dili, husi Autoridade Aviasaun Sivil Timor-Leste (AACTL-sigla portugés), Guilhermino Camões Sarmento, hateten parte AACTL sei koopera ho Autoridade Aviasaun Indonézia no Austrália, hodi hetan tulun ho sira nia ekipamentu atubele halo identifikasaun loloos ba kauza asidente Aviaun Aero Dili.

Ita nia fasilidade balun hanesan laboratóriu ne’ebé atu teste ba aviaun nian seidauk iha, entaun ita sei hein prosesu to’o ita ko’alia ho autoridade ruma hanesan Indonézia no Austrália hodi mai ajuda ita, nune’e bele identifika loloos aviaun ninian kondisaun ne’e kauza saida maka bele aat hodi rezulta asidente”, dehan Guilhermino Camões ba Agência TATOLI via telefone, segunda ne’e.

Notísia Relevante: Aviaun Aéru Dili Monu Iha Likisa

Nia rekoñese, atu hetan dadus di’ak presiza ekipamentu sufisiente.

“Maibé agora ita atu hatene loloos katak aviaun ne’e tanba saida maka monu , ne’e presiza ekipamentu sufisiente ida atubele deteta. Tanba ne’e maka ita presiza halo kooperasaun ho autoridade nasaun li’ur, nune’e bele halo indentifikasaun no ita bele hetan relatóriu finál”, nia akresenta.

Nia informa, dadaun ne’e Aviaun Aero Dili seidauk halo operasaun filafali, tanba sei iha hela prosesu investigasaun nia-laran.

“Aviaun ne’e agora para de’it iha armazen kompañia Aero Dili nian iha Manleuana no seidauk halo operasaun fali tanba nia rezultadu finál husi investigasaun seidauk iha”, nia dehan tan.

Maske nune’e, nia parte garantia kuandu sira iha ona koopersaun ho autoridade aviasaun Indonézia no Austrália, mak ih tinan ida ne’e nia laran bele fó sai ona rezultadu asidente.

“Ami espera katak, iha tinan ida ne’e bele halo ona kooperasaun ho autoridade aviasaun rua.

Parte seluk, Prezidente AACTL, Ana Rosalia Ximenes Varela, informa Aviaun Aero Dili ninian rezultadu investigasaun hanesan prelemináriu.

“Aero Dili nu’udar kompañia aviasaun doméstika ne’ebé halo operasaun iha Dili Oé-Cusse, Suai no Baucau.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here