Eis Primeiru-Ministru no Atual Xefe Negosiadór ba Asuntu Fronteira Marítima no Terestre, Kay Rala Xanana Gusmão, Gusmão. Imajen Tatoli/ Egas Cristovao

DILI, 21 fevereiru 2020 (TATOLI)-Eis Primeiru Ministru, Kayrala Xanana Gusmão, ohin preokupa ho métodu hanorin Dosente iha Ensinu Superior balun iha Dili tanba orienta estudante sira asesu de’it matéria liuhosi Google.

Lidér Karísmatiku ne’e dehan hahalok dosente sira nian ne’e sei la ajuda atu hasa’e kualidade edukasaun durante prosesu aprendijazen ne’e la’o tanba estudante sira la-intende matéria ho didiak.

“ohin loron iha era tekonolojia nian, ha’u rona balun ba loke aulas orienta de’it ba estudante sira loke de’it mak Goegle. Ha’u mós simu informasaun husi observadores internasionál sira balun dehan Instituisaun Ensino Superior balun seidauk demonstra hodi hatudu boa kualidade,”preokupa Xanana Gusmão, iha ninia deskursu durante serimonia graduasaun ba Formandu EIROS hamutuk ema na’in 34 iha Salaun Esperansa Aimutin Dili, ohin.

Prezidente Partidu CNRT ne’e mós hateten atu aselera prosesu dezenvolvimentu Timor-Leste persiza hakbiit kualidade rekursu umanu joven Timoroan liliu koñesementu no abilidade iha área espesífiku sira.

Xanana dehan tempu ona atu ensinu superior sira hasa’e kualidade edukasaun la’os haree de’it ba kuantidade hodi prodús lisensitura kada tinan.

“Ami ne’ebé katuas ona kuandu hare no rona hahalok hanesan ne’e tristi no la kontente, tanba labarik sira fila ba uma halimar de’it mak telefone. Ita rona de’it mak facebook, no instagram halo labarik sira barak mak la estuda,”Xanana preokupa liután.

Jornalista : Tomé Amado

Editór         : Agapito dos Santos

INFORMASAUN

3 KOMENTÁRIU

  1. obribado ba LK. MBKXG nia preukupasaun, sinifika iha atensaun ba edukasaun, mabe atu hetan kualidade iha ensino superior guvernu teinke investe, halo jestaun nebe diak husi nivel alto nia, labele politiza edukasaun maibe fo otonomia tomak ba universidade sira niliu UNTL nebe uniku universidade publiku iha TL.

  2. Ida-ne’e akontese tanba dosente sira-ne’e barak maka la iha vokasaun atu hanorin, serbisu tanba de’it osan. Ida tan maka, Univiersidade sira-ne’e harii ho objetivu atu buka osan de’it maibe la aposta ba kualidade.

HAKEREK NO HATÁN

Please enter your comment!
Please enter your name here