Embaixador Repúblika Husi Índia, Pradeep Kumar Rawat. Imajen Tatoli/ Egas Cristovao

DILI,21 fevereiru 2020 (TATOLI)-Embaixadór Repúblika Índia, Pradeep Kumar Rawat, nota produtu kafé timor iha kualidade aas iha mundu.

Pradeep hato’o apresiasaun ba produtu Timor-Leste nian ba Jornalista sira iha PalasiuGovernu, hafoin hasoru malu ho Primeiru-Ministru, Taur Matan Ruak, sesta (21/02/2020).

“Ha’u to’o iha Timor-Leste sente kontente loos. Nasaun ne’e iha poténsia ne’ebé bo’ot persiza dezenvolve de’it ho di’ak. Bainhira ha’u to’o konsege ba vízita Oé-Cuse no Atauru ha’u kontente los,”tenik tan.

Diplomata hosi nasaun Índia ne’e sente kontente bainhira estadia iha Dili no koko ona hemu kafé Timor ho ninia sabór aas iha mundu.

Nia konsidera TL iha poténsia bo’ot iha setór agrikultura tanba ne’e persiza atu investe hodi dezenvolve ba futuru. Índia mós prontu ajuda dezenvolve Timor – Leste nia liliu área edukasun no kapasitasaun rekursu umanu.

“Ba oin kooperasaun nasaun rua sei metin no di’ak liután. Sinál di’ak ohin ha’u koa’lia ho Prmeiru-Ministru nia kontente loos ho ha’u nia idea sira koa’lia ne’e hodi ajuda prosesu dezenvolvimentu iha área sira ne’ebé Timor – Leste persiza dezenvolve,” nia hatutan.

Jornalista: Hortencio Sanchez

Editór     : Agapito dos Santos

INFORMASAUN

HAKEREK NO HATÁN

Please enter your comment!
Please enter your name here