DILI, 21 fevereiru 2020 (TATOLI)-Embaixadór França, Residente iha Jakarta Indonézia, Oliver Chambard, hateten sira-nia governu iha interese atu servisu hamutuk ho Timor-Leste hodi aselera prosesu dezenvolvimentu liliu iha setór ekonomia Timor nian.

“Ha’u hanesan Embaixadór foun ida. Ohin ha’u mai hasoru malu ho Primeiru- Ministru, Taur Matan Ruak, no ami koa’lia asuntu balun kona-ba dezenvolvimentu iha área ekonomia no seluk tan,”dehan Oliver Chambard, ba jornalista iha Palasiu Governu Dili, ohin.

Iha área ekonomia liliu atu oferese formasaun vokasionál ba joven sira oinsá atu kria empreza ba aan rasik no formasaun diplomasia.

“Kooperasaun ne’ebé Franca hala’o ho Timor – Leste iha área ekonomia mak hanesan sei fó treinamentu ba Joven Timoroan feto sira atu aprende kona-ba tein hahan uza matéria oioin ne’ebé bele sai hanesan hahan orijinál Timor – Leste nian,”tenik Embaixadór foun ne’e.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here