Eis Primeiru-Ministru no Atual Xefe Negosiadór ba Asuntu Fronteira Marítima no Terestre, Kay Rala Xanana Gusmão, Gusmão Partisipa Iha Graduasaun ba Dala- 6 Kursu Professional ba Programa Umano Eiros Entrpeneur Institue. Imajen Tatoli/ Egas Cristovao

DILI, 21 fevereiru 2020 (TATOLI)-Formandu Timor oan hamutuk ema na’in 34, sesta (21/02/2020) simu ona graduasaun hafoin partisipa kursu profesionál iha área Administrasaun, Bankaria no siénsia komputadór iha Sentru Formasaun EIROS.

Formandu na’in 17 remata formasaun hafoin partisipa kursu durante tinan ida iha programa komputadór no administrasaun, Komputer bangking Finance na’in 15 no na’in tolu hosi programa computer sience engineering.

Diretór Ezekutivu, João Paulo Gama Guterres, informa formandu hirak ne’e tuir formasaun iha EIROS durante tinan ida, fulan sia ba teória no fulan tolu estajíu profesionál iha terenu.

“Ita fahe tipu formasaun profesionaís ba estudante sira ne’e tanba atu hasa’e sira-nia koñesimentu, abilidade no atetude atu nune’e bele aumenta sira-nia esperiénsia iha teória no prátika. Depois sira  remata prátika fulan tolu ita sei halo selesaun, kuandu kompotente ona foin mak prepara ba graduasasaun,”dehan João Paulo Gama Guterres ohin salaun Esperansa Aimutin Dili, ohin.

EIROS loke formasaun ba joven timor hahú 2003 to’o agora hodi prodús ona formandu hamutuk 7.000 no hosi númeru ne’e porsentu 75 hetan ona servisu.

“Hosi formasaun ne’e ami projeta sira atu la dependénsia de’it hodi buka servisu maibé oinsá sira bele kria kampu servisu rasik ba sira-nia aan liuhosi formasaun Interpatnership,”tenik Diretór Ezekutivu EIROS.

Jornalista : Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here