Embaixador Husi Àrabe-Ejipto, Ashraf Mohamed Moguib Sultan. Imajen Tatoli/ Egas Cristovao

DILI, 21 fevereiru 2020 (TATOLI)-Embaixadór Árabe-Ejiptu, Ashraf Mohamed Moguib Sultan, hateten, nasaun Ejiptu pronto atu estabelese kooperasaun ho Estadu Timor-Leste hodi aselera prosesu dezenvolvimentu nasaun foun ne’e nian.

“Ha’u nia prezensa iha Dili atu haree direitamente nasaun ne’e hodi haree prosesu polítika nune’e bele hametin relasaun di’ak entre nasaun rua atu nune’e bele ajuda dezenvolvimentu ne’ebé la’o hela iha nasaun ne’e,”informa, Ashraf ba Jornalista sira, hafoin hasoru malu ho Primeiru-Ministru, Taur Matan Ruak, iha Palasiu Governu Dili,ohin.

Nia observa katak Timor-Leste hahú dezenvolve dadauk ninia setór importante sira tanba ne’e persiza hetan mós tulun hosi Ejiptu iha futuru.

“Dezenvolvimentu importante tebes ba Timor-Leste, ami prontu ajuda iha área saida de’it importante bele lori nasaun ne’e mudansa iha niniaa dezenvolvimentu hanesan nasaun sira iha Ázia,”tenik tan.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here