Militantantes no simpatisantes Partidu Koligasaun AMP(Aliansa Mudansa ba Progressu) wainhira partisipa iha kampamha partidu Koligasaun AMP nian ba Eleisaun Antisipa(E A) iha Gleno Municipio Ermera Segunda 16 Abril 2018.FOTO TATOLI

DILI, 20 fevereiru 2020 (TATOLI)—Bankada Parlamentár Congresoo Nacional da Reconstrução de Timor (CNRT), fiar katak partidu polítiku sira sei fó solusaun ne’ebé di’ak liu hodi bele hakotu impase polítika.

Vise-Xefe Bankada Parlamentár Congresso Nacional da Reconstrução de Timor (CNRT), Patrocínio Fernandes dos Reis hateten, oras ne’e partidu polítiku sira iha hela faze komunikasaun polítika entre partidu polítiku sira-ne’ebé mak hetan asentu iha Parlamentu Nasionál.

“Komunikasaun polítiku sira halo hela. Ita hotu-hotu hein katak partidu sira sei hetan solusaun ne’ebé di’ak ba nasaun. Kualkér inisiativa sira ne’ebé ke mai hosi partidu polítiku sira, ita hein katak sei lori solusaun di’ak ba estadu no ba povu,” dehan Patrocínio Fernandes dos Reis ba jornalista sira iha Parlamentu Nasionál, kinta (20/2/2020).

Nia garante, husi komunikasaun polítika ne’ebé la’o daudaun ne’e sei fó solusaun ne’ebé di’ak tanba entre partidu polítiku sira ne’e laiha partidu ida mak hanoin aat ba rai-lulik Timor-Leste no povu Timor-Leste.

“Partidu hotu-hotu bele iha diferensa ideia maibé objetivu partidu hotu-hotu nian atu lori dezenvolvimentu ba nasaun no kria kondisaun moris di’ak ba povu. Ne’eduni, ita hotu-hotu tenke fiar katak partidu polítiku sira sei buka solusaun ne’ebé di’ak no di’ak,” nia esplika.

Notísia Relevante: PR Husu Hotu-Hotu Tenke iha Vontade Rezolve Impase Polítika

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here