iklan

NASIONÁL, DILI, HEADLINE, SEGURANSA

PNTL Orienta Hamoos Naran Xanana iha Parede Lolon

PNTL Orienta Hamoos Naran Xanana iha Parede Lolon

Ema dekoñesidu hakerek Xanana nia naran iha parede lolon iha Kapitál Dili. Imajen/Eugénio Pereira

DILI, 19 fevereiru 2020 (TATOLI)–Komandu Polísia Nasionál Timor-Leste (PNTL), hahú ohin, orienta ba Komandu Polísia Munisípiu Dili hodi koordena ho polísia eskuadra sira no autoridade lokál hodi hamoos líder nasionál Kay Rala Xanana Gusmão nia naran ne’ebé ema deskoñesidu hakerek iha parede lolon sira iha Kapitál Dili.

Notísia Relevante : PNTL Identifika Ona Autór Hakerek Naran Xanana iha Parede

Komandante Operasaun Nasionál PNTL, Superintendente Xefe Pedro Belo.

“Hahú ohin to’o sesta, ita-nia polisia eskuadra sira sei koordena ho Autoridade Munisípiu Dili sei hamoos hotu liafuan la edukativu sira ne’ebé ema hakerek, inklui Exelénsia Xanana nia naran,” hateten Komandante Operasaun Nasionál PNTL, Superintendente Xefe, Pedro Belo, ohin, ba jornalista iha Kuartél Jerál PNTL, Caicoli, Dili.

Nia dehan, programa hamoos liafuan la edukativu la’ós foin maka atu halo, maibé dezde uluk kedas PNTL sempre koopera ho autoridade hodi hamoos liafuan sira ladi’ak bazeia ba lei númeru 33/2008 ne’ebé la fó dalan ba kualkér ema atu hakerek liafuan ladi’ak iha fatin públiku.

“Ema ne’ebé la iha responsabilidade maka hakerek liafuan sira la edukativu ne’e, maibé se ema sidadaun di’ak nia sei hanoin molok hakerek liafuan ruma,” afirma Pedro Belo.

Pedro Belo informa, daudaun ne’e ekipa investigasaun PNTL hahú identifika husi Kamera Closed Circuit Television (CCTV) PNTL hodi buka tuir autór sira ne’ebé hakerek naran líder  karizmátiku Kay Rala Xanana Gusmão.

 Jornalista : Eugénio Pereira

Editór       : Francisco Simões

iklan
iklan

Leave a Reply

iklan
error: Content is protected !!