Xefe Bankada Partidu Demokrátiku (PD), António da Conceição ‘Kalohan'. Imajen TATOLI/António Gonçalves

DILI, 19 fevereiru 2020 (TATOLI)—Sekretáriu Jerál Partidu Demokrátiku, António “Kalohan” da Conçeição infroma, Partidu Demokrátiku (PD) no Partidu Libertasaun Populár (PLP) iha diferensa ideia ba konjuntura polítika Grande Inkluzaun.

“Ida grande inkluzaun ne’e mós ohin ami partilla hamutuk ho belun sira hosi PLP atu haree took formatu ida maibé ami iha diferensa ideia. Nasaun maka ita hotu-hotu hanoin hamutuk atu fó resposta ida andamentu polítika nasaun nian,” dehan António “Kalohan” da Conçeiçao ba jornalista sira hafoin simu dirijente hosi PLP iha Sede PD, Kolmera, ohin.

Tanba, nia hatutan, nasaun ne’e rekere partidu polítiku sira-nia maturidade atu fó resposta ida no resposta ne’e ema hotu-hotu sempre gosta. Maibé, perspetiva maka ida-ne’e nasaun mak bolu atu ema hotu hatán.

Nia haklaken, tanba ne’e mak PD sempre promove diálogu hodi hetan solusaun no bainhira iha ona solusaun ne’e, la signifika iha manan no lakon maibe iha mak sedensia.

“Sedensia ne’e katak ó husik buat ruma, ha’u mós husik buat ruma,” Sekretáriu Jerál PD ne’e esplika.

Entretantu, Vise Konsellu Polítika Nasionál Partidu Libertasaun Populár (CPN-PLP), Francisco dr Vasconselos, iha diferensa ideia ho Sekretáriu Jerál PD, António da Conçeição, nia hanoin.

“Grande inkluzaun maioria parlamentár. Grande ne’e ita dehan ema hotu iha luhu ida mibé ita buka ida vontade ne’e para governu ida-ne’e labele kada tinan ita halimar ho jogu polítika. Jogu kontra jogu. La’ós hatún ida no hasa’e ida. Ne’e la’ós preferénsia ba PLP,” nia hateten.

Nia hatutan, iha Planu Estratéjiku Dezenvolvimentu Nasionál (PDEN) durante ne’e parlamentu ko’alia, ne’e katak PEDN ne’e ba bem-estar povu nian hodi hasai povu hosi mukit.

“Polítika ne’e dinámika. Maibé, PLP presiza vontade polítika hodi aselera prosesu dezenvolvimentu ba-oin,” nia afirma.

Notísia Relevante: Aban, PD Realiza Konferénsia Nasionál

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here