Reprezentante Embaixadór Uniaun Europia (UN) iha Timor Leste, Andrew Jacobs.Imajen/Godinho

DILI, 19 fevereiru 2020 (TATOLI)–Embaixadór Uniaun Europia (UN) iha Timor-Leste, Andrew Jacobs hateten, Planu Asaun Komunidade ba Saneamentu no Ijíene (PAKSI) nu’udar abordajen importante ida atu hadi’ak saúde no nutrisaun iha mundu.

Tanba ne’e, nia hatutan, importante tebes atu garantia komunidade sira espesialmente ba labarik ho idade kiik moris ho ambiente livre husi soe foer arbiru no ambiente moos.

“Implementasaun PAKSI sei uza abordajen integradu husi projetu ida hanaran “Komunikasaun mudansa sosiál no hahalok hodi promove prátika kuidadu esensiál ba nutrisaun, saúde materna, bebé foin moris no labarik, saneamentu no ijíene,” dehan Embaixadór Uniaun Europia, Andrew Jacobs, ba Ajénsia TATOLI hafoin ramata semináriu kona-ba PAKSI iha salaun Xanana Sport Center, Bairtu dos Grilhos, Dili, ohin.

Nia sublina katak, atu garantia sustentabilidade husi hahalok saudável ne’e sei estabelese grupu suporta inan iha munisípiu tolu hanesan Baucau, Manatuto no Dili.

“Ha’u enkoraja xefe suku no administradór postu sira atu fó apoia protesaun servisu ne’ebé mak grupu suporta inan halo, atu nune’e kontribui ba labarik, família no komunidade sira-nia moris saudável,” nia dehan

Iha tempu ida ne’e, nia esplika, laiha razaun ba ema ka komunidade atu la asesu ba saneamentu tanba sei posível komunidade hotu iha Dili atu asesu ba saneamentu tanba Timor-Leste bele hakotu no livre husi soe foer boot arbiru.

Aleinde ida ne’e, Reprezenta Embaixadór ONU agradese ba ONU tanba iha komprimisiu atu kontinua fó apoiu ba Governu Timor-Leste ba melloramentu estatutu labarik sira-nia saúde no nutrisaun.

Semináriu ne’e parrtisipa husi Diretore no Xefe Departamentu Ministériu Saúde (MS), Polisia Nasionál Timor leste (PNTL), Autoridade Munisipál no Autoridade lokál sira husi Munisípiu Dili.

Jornalista : Osória Marque

Editór      : Cancio Ximenes

INFORMASAUN

HAKEREK NO HATÁN

Please enter your comment!
Please enter your name here