Xefe Gabinete MRLAP, Andre Lotte.

DILI, 19 fevereiru 2020 (TATOLI) – Ministériu Reforma Lejizlativa no Asuntu Parlamentár (MRLAP) durante ne’e prodús inisiativa lejizlativa no regulamentu sira atu fó benefísiu ba povu tuir objetivu Estadu nian.

Notísia Relevante : MRLAP Prodús Inisiativa Lejizlativa no Regulamentár 14

Xefe Gabinete MRLAP, Andre Lote hatete, atinjimentu servisu MRLAP nian hodi prodús inisiativa lejizlativa no regulamentár sira tanba bazeia ba nesesidade lei sira ne’ebé antes implementa la kondís ona kondisaun atuál, ho nune’e, presiza halo reforma.

Nia argumenta tan, regulamentu no inisiativa lejizlativa ne’ebé MRLAP kria hanesan matadalan ba reforma lei sira nune’e mós alterasaun lei no projetu lei tanba ohin loron la kondís ona ho situasaun real.

“Servisu MRLAP hanesan ministériu ida mais espesialista, tanba ne’e inisiativa sira ne’ebé prodús ho konkluzaun katak, atu fó benefísiu ba povu atu garante sidadaun nia direitu no devér tuir objetivu Estadu ne’ebé garante iha Konstituisaun,” argumenta Xefe Gabinete MRLAP, Andre Lote, hodi responde Ajénsia Tatoli, ohin, iha nia knar fatin, Palásiu Governu.

Notísia Relevante : Tinan 2019, MRLAP Konsege Konklui Lejizlasaun Tolu

Nia fó ezemplu, kona-ba proposta alterasaun lei pensaun vitalísia, ne’e aplika la fó benefísiu ba povu no hatodan de’it orsamentu Estadu hodi fó ameasa ba jerasaun foun sira.

“Alterasaun Lei sira ne’ebé la kondís ona, bele salva osan Estadu iha tinan 30 mai purvolta milaun $100,” hateten Andre Lote.

Governu Konstitusionál da-ualu ne’ebé lidera husi Primeiru Ministru (PM), Taur Matan Ruak, hateten Andre Lote,  harii MRLAP atu oinsá dezenvolve, armoniza no konsolida ordenamentu jurídiku no hala’o reforma judisiária no mós haree ba asuntu parlamentár no komunikasaun sosiál.

Notísia Relevante : Tinan 2019, MRLAP Konsege Konklui Lejizlasaun Tolu

Nia hatutan, MRLAP prodús rasik inisiativa lejizlativa no regulamentu sira ne’e halo mós koordenasaun ho ministériu sira no parlamentu hodi hola parte iha elaborasaun inisiativa lejizlativa ne’ebé mai hosi parte sira ne’e.

“Durante tinan ida ho balun MRLAP halo servisu lubuk ona hanesan hosi atividade sira nee, MRLAP prodús ona inisiativa lejizlativa no regulamentár sira hamutuk 14,” informa Andre Lote.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here