Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 19 fevereiru 2020 (TATOLI)-Ministéru Ensiñu Superiór Siénsia no Kultura (MSSK) iha inisíu fulan-fevereiru 2020, simu ona Dotasaun Orsamentu Temporária (DOT) hamutuk $ 156.000 hodi selu saláriu vensimentu no bens servisu funsionáriu sira nian.

Enkuantu, kapitál menór no kapitál dezenvolvimentu laiha tanba MESSK laiha planu foun atu implementa durante fulan-fevereiru.

Notísia Relevante : MESSK Kontinua Programa Rua Ho Osan Duodésimu

“Ita laiha planu atu halo dezenvolvimentu foun tanba orsamentu ne’ebé ita hetan ne’e 2019 nian,  ne’ebé ita la’o tuir de’it kategoria ne’ebé iha ona,”relata Ministru Ensiñu Superiór Siénsia no Kultura (MESSK) Longuinhos dos Santos, ba Agência TATOLI, iha Palasiu Governu, ohin.

Governante ne’e informa hosi aloksaun DOT hosi Ministériu Finansa ba MESSK  durante fulan –janeiru liubá ho montante hanesan ho fulan-fevereiru nian.

“Ha’u la lembra tanba buat hotu sei iha hela prosesu nia laran maibé ha’u sei informa ba públiku kuandu iha ona dadus,”katak Ministru Longuinhos.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here