Ministru Ensinu Superiór, Siénsia no Kultura, Longuinhos dos Santos. Imajen: TATOLI

DILI, 19 fevereiru 2020 (TATOLI)-Ministru Ensiñu Superiór Siénsia no Kultura (MESSK) Longuinhos dos Santos afirma nia parte sei kontinua halo kontrola ba funsionáriu no kargu Xefia atu evita uja viatura estadu hanesan karreta ho motor estadu hodi halo operasaun iha findesemana.

Governante ne’e dehan atividade kontrola ne’e ka sei tulun governu atu halo poupansa ba orsamentu estadu ne’ebé maka aloka ba kombustivel.

Inspesaun no kontrola ne’e implementa baseia ba karta sirkulasaun ne’ebé fó sai hosi governu iha tinan 2019 hodi poupa osan estadu ba kombustivel.

‘Ita hatene durante ne’e gastu bo’ot liu maka iha konbustivel, entaun ita halo kontrola ba viatura sira ne’e atu minimiza gastu inklui kumpre lei Funsaun Públiku nian,” dehan Governante ne’e ba TATOLI iha Palasiu Governu Dili, ohin.

Tuir Ministru Longuinhos dos Santos katak antes ne’e halo ona inspesaun no kontrola ba viatura iha MESSK maibé seidauk implementa ho másimu.

Nia dehan, bainhira funsionáriu  no kargu xefia sira la kumpre hodi uja viatura tuir regra maka  sei hetan xamada verbál, eskrita no loke prosesu tuir lei maka vigora.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here