Ministru Agrikultura no Peska, Joaquim José Gusmão dos Reis Martins. Imajen/Egas Cristovão.

DILI, 19 fevereiru 2020 (TATOLI)Ministru Agrikultura no Peskas, Joaquim José Gusmão Martins, informa katak nia parte komunika ona ho Organizasaun Nasaun Unida ba Agrikultura no Alimentasaun (FAO-sigla inglés), hodi bele kombate peste batar hanaran For Army One.

“Ha’u haruka karta FAO foin dadaun no sira disponível ona ajuda ami hamutuk kombate peste batar For Army One”, tenik Ministru Joaqim ba Agência TATOLI iha Palásiu Govenu, kuarta ne’e

Nia realsa tan, FAO konkorda ona hodi apoia MAP iha parte tékniku hosi rai-li’ur, hodi identifika no foti konkluzaun ba peste batar.

“Sira sei haruka sira nian péritu hodi haree peste batar For Army One tama ona Timor-Leste ka lae tanba peste ne’e rasik tuir informsaun katak to’o ona Kupang, Indonézia”, nia akresenta.

Nia dehan, bazeia ba informsaun ne’ebé parte tekniku MAP relata, peste ne’e seidauk tama iha Timor-Leste hodi estraga populasaun nian batar.

Por enquanto seidauk maibé ita kontinua antisipa nafatin, hamutuk ho maluk sira husi FAO nune’e bele kombate peste batar hodi labele estraga polulasaun nia produtu batar ne’ebé maka sira prodús”, nia esklarese.

Tuir governate ne’e, peste batar ne’ebé maka daudaun ne’e tama Timór maka spodoptera litura hodi estraga produtu batar iha munisípiu balun.

“Ami hola ona ai-moruk Nasa kuaze litru 66 no haruka ona ba munisipiu sira hodi kombate peste”, Ministru informa tan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here