Prezidente Komisaun Funsaun Públika (CFP) Faustino Cardoso. Imajen/ Tatoli Egas Cristovao

DILI, 18 fevereiru 2020 (TATOLI) – Prezidente Komisaun Funsaun Públika (KFP), Faustino Cardoso ho ninia ekipa, atualiza evolusaun serbisu Funsaun Públika ba Primeiru-Ministru (PM), Taur Matan Ruak.

“Komisaun Funsaun Públika mai atualiza evolusaun ligadu ho Funsaun Públika, hanesan situasaun Ajente Funsaun Públika, Pesoál Kazuál iha instituisaun sira, nune’e mós kona-ba kestaun Planeamentu Forsa Traballu”, informa Faustino Cardoso hafoin hasoru-malu ho Xefe Governu iha Palásiu Governu, tersa ne’e.

Nia realsa, kona-ba Proposta Dekretu-Lei Planeamentu Forsa Traballu hato’o ona ba PM hodi bele halo diskusaun kle’an, nune’e bele iha kontrolu di’ak ida ba Fundaun Públika inklui forsa traballu atu labele monu iha situasaun ida la espera tanba aumenta servisu signifika mákina estadu sei sai todan liután.

Aleinde ne’e, Faustino ho ninia ekipa aprezenta proposta alterasaun Dekretu-Lei Avaliasaun Dezempeñu, proposta Dekretu Governu kona-ba regra no regulamentu, nune’e mós kona-ba rezultadu promosaun no prosesu selesaun pur méritu ba kargu diresaun no xefia iha Funsaun Públika no promosaun ba Funsionáriu Públiku sira iha 2020.

Jornalista: Antónia Gusmão

Editora: Julia Chatarina

 

HAKEREK NO HATÁN

Please enter your comment!
Please enter your name here