Portavós Eis-taballadór UNITAL, Felix Cristovão Pinto. Imajen: Tome Amado

DILI, 18 fevereiru 2020 (TATOLI)-Eis Dosente no Traballadór Universidade Orientál Timor Lorosa’e (UNITAL) hamutuk na’in-61, tersa ne’e, aprezenta ona karta petisaun ba Parlamentu Nasionál hodi koñese sira-nia kazu liliu ezijénsia ba direitu indemnizasaun hosi parte universidade.

Notísia Relevante :Seidauk Iha Solusaun, Eis-Traballadór UNITAL Planea Lori Reitór Ba Tribunál

“Ami mai aprezenta karta petisaun ba Prezidente Parlamentu Nasionál, ba Komisaun C, F no G atu husu sira-nia apoiu hodi hetan dalan ba ami-nia direitu indemnizasaun,” dehan Portavós Felix Cristovão Pinto ba TATOLI, iha uma fukun Parlamentu.

Notísia Relevante : UNITAL Seidauk Iha Estatutu Kontratu Asegura Dosente

Pinto realsa konteúdu hosi petisaun ne’e la’ós atu ejize PN hodi halo mediasaun ho parte UNITAL, maibé atu esklarese ba deputadu sira kona-ba problema ne’ebé maka akontese iha Universidade Orientál Timor Lorosa’e.

“Ita informa de’it ba ba sira (PN) atu sira bele hatene funsionamentu lei traballadór ne’e ba sé de’it, ba sidadaun hotu ka ba ema balun de’it,” katak nia.

Notísia Relevante : Eis-traballadór 61 Konsidera Deklarasaun Reitór UNITAL “La Loos”

Parlamentu hanesan órgaun lejizladór tanba ne’e persiza halo esplikasaun kle’an kona-ba lei direitu traballadór hodi hetan solusaun ba sira-nia problema ho universidade.

Bainhira parte rua la hetan solusaun ba problema ne’ebé maka mosu, portavós ne’e hateten sei rezolve tuir dalan justisa iha Tribunál.

Jornalista :Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here