Proreitor Asuntu Akademiku, UNTL, Miguel Maia dos Santos.Imajen/ Tatoli Egas Cristovao

DILI, 17 fevereiru 2020 (TATOLI)-Pro Reitór ba Asuntu Akadémiku Universidade Nasionál Timor Lorosa’e (UNTL), Miguel Maia dos Santos, rejeita ho informasaun ne’ebé maka dadaun ne’e espalla iha públiku katak estudante UNTL balun la hatene lee no hakerek ne’e laloos.

“Ita bele imajina Estudante Ensino Superiór ida mak la hatene lee no hakerek ne’e entaun faze naruk ida ne’ebé nia finaliza husi ensinu báziku mai to’o ensinu sekundáriu ne’e ba ne’ebé,”informa Pro Reitor ne’e ba TATOLI, iha Dili, ohin.

Nia dehan, Universidade sempre  hasoru kauza mak hanesan estudante balun laiha koñesementu di’ak atu hakerek monografia ho sientífiku.

“Kauza ida ne’e ita sempre hasoru dala barak iha universidade, maibé ida dehan lahatene lee no hakerek ne’e ita nunka hasoru,”nia argumenta.

Tanba ne’e, nia apela ba públiku atu labele konsumu informasaun ne’ebé dadaun ne’e espalla iha públiku tanba sei estraga imajen universidade nian.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here