Ministru Justisa, Manuel Cárceres da Costa. Imajen/Antonio Goncalves

DILI, 17 fevereiru 2020 (TATOLI)–Ministériu Justisa (MJ) simu ona alokasaun Dotasaun Orsamentu Temporáriu (DOT) duodésimu husi Ministériu Finansa (MF) ho montante milaun $1-resin hodi ezekuta ba iha fevereiru 2020.

Notísia Relevante : Orsamentu Duodesimu ba MJ Milaun $1-resin

Alokasaun montante orsamentu ne’e nafatin hanesan mós iha fulan janeiru 2020 no  husi  montante orsamentu ne’e atu utiliza ba saláriu vensimentu no bens servisu.

Ministru Justisa, Manuel Cárceres da Costa, hateten maski ho duodésimu garante nafatin servisu báziku ministériu nian, liuliu ba atendimentu públiku, servisu notariadu hodi emite pasaporte, billete identidade, sertidaun moris, alimentasaun ba dadur no sira seluk tan.

Ba Ajénsia Tatoli iha nia servisu fatin, ohin, iha Dili, Ministru Manuel Cárceres da Costa mós hateten, kona-ba progresu ezekusaun DOT iha fulan-janeiru  nian la’o di’ak hodi ezekuta ba atividade no servisu báziku sira.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here