Diretór Eskola Sekundária Jerál 10 de Dezembro, Domingos Sávio Gusmão. Imajen: Nelia Fernandes

DILI, 13 fevereiru 2020 (TATOLI)–Diretór Eskola Sekundária Jerál 10 de Dezembro, Domingos Sávio Gusmão informa, parte eskola serbisu hamutuk ho Timor Telecom hodi oferese intenete gratuita ba profesõr no estudante sira bele halo peskiza ba materia ruma ne’ebé sira presiza.

“Internete ne’e Timor Telecom oferese gratuita ba estudante no profesor sira atu utiliza ba peskiza materia eskolar tanba ne’e mak eskola halo kooperasaun ho Timor Telecom,” dehan Domingos Sávio Gusmão ba Ajénsia TATOLI iha nia knaar fatin, Comoro, Dili, ohin.

Nia hatutan, iha materia ruma ne’ebé estudante sira presiza atu tradus karik tenke tradus iha eskola. Maibé, nia dehan, taka ba estudante sira ne’ebé laiha interese atu tradus materia maibé dalaruma buka fali buat folin laek iha internete liuhusi google search.

“Internet ne’e ami so fó de’it ba profesór sira para presiza tradus ruma fó ba estudante sira. Maibé estudante sira ne’ebé hanesan presiza liafuan balun difikulta ba sira, sira hakarak mai buka iha internete, eskola fasilita sira no sira bele uza internete,” nia hateten.

Ba profesór sira, nia hatutan, sira utiliza internete ne’e hodi buka referensia ruma hanesan istória ruma iha livru sira Portugal no Brazil ni’an ne’ebé sira la kompriende karik, sira bele konsulta iha google hodi bele hetan definisaun klaru no bele esplika ba estudante sira.

Entretantu, nia informa, Eeskola Ebsinu Sekundária Jerál 10 de Dezembro Comoro kada tinan  sempre asina akordu ho Timor Telecom hodi oferese liña internete gratuita.

Notísia Relevante: Perfil Eskola Ensinu Sekundária Jerál iha Dili: Eskola Ensinu Sekundária 10 de Dezembro Comoro (X)

Jornalista : Nelia Fernandes

Editõr       : Rafy Belo

HAKEREK NO HATÁN

Please enter your comment!
Please enter your name here