Prezidente FFTL, Francisco Jerónimo. Imajen Mídia FFTL

DILI, 14 fevereiru 2020 (TATOLI)–Iha sesta ne’e, Komisaun Konjunta Liga Juvenil Timor-Leste (LJTL) submete ona relatóriu jogu ba Federasaun Fureból Timor-Leste (FFTL) kona-ba atividade ne’ebé hala’o durante fulan-rua resin.

“Ohin, komisaun konjunta Liga Juvenil Timor-Leste sira mai aprezenta sira-nia relatóriu tanba jogu ramata ona loron hirak liu-bá. Relatóriu ne’e sira tenke aprezenta nune’e bele sai evidénsia ida katak Liga Juvenil hala’o duni,” Prezidente FFTL, Francisco Jerónimo ba jornalista iha edifísiu FFTL, Bairro Formosa, Dili.

Ema númeru ida iha FFTL ne’e relata, ba fururu LJTL kontinua la’o maibé parte federasaun sei tuur hamutuk hodi haree nune’e bele envolve mós assosiasaun sira.

“Kooperasaun entre komisaun konjunta no FFTL kontinua la’o atu kontinua jogu ne’e. Maibé, ita sei tuur hamutuk hodi haree envolve mós asosiasaun futeból sira hotu atu partisipa. Nune’e, ita mós tenke haree kona-ba fallansu balun iha karik ita tenke hadi’a no karik laiha fallansu bele avansa nafatin,” Francisco informa.

Entretantu, realizasaun LJTL foin lalais ne’e hetan tulun hosi Asian Football Confederation (AFC) no Federation International Football Assosiation (FIFA).

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here