Estudante UNTL misa iha igreja katedrál, Dili. Foto FB: Lauvy Nyzha

DILI, 14 fevereiru 2020 (TATOLI)-Estudante foun 4.016 ne’ebé konfirmadu pasa iha prosesu ingresu hodi tama ba Universidade Nacional Timor Lorosa’e (UNTL) iha de’it na’in 3.403 mak termina sira-nia inskrisaun iha loron 14 fevereiru 2020.

Agora husi 613 estudante foun ne’ebé to’o ohin loron la marka sira-nia prezensa iha prosesu inkrisaun ne’e konsidera rezigna aan.

“Ami ezekuta orden no regra ne’ebé estipula. Agora kuandu iha estudante balun mak loron ikus mai fali depois fó sira-nia razaun ba Reitór no Reitor kuandu husu toleránsia ami kala lao tuir de’it,” Pro-Reitór Asuntu Akadémiku, Miguel Maia dos Santos ba Agência TATOLI iha edifísiu MESSK, Colmera, ohin.

Notísia relevante:Inskrisaun Ba Estudante Foun UNTL Taka Ona

Agora husi totál númeru refere, tuir akadémiku ne’e katak kategoria ba UNTL nian no Institutu Politékniku Betano (IPB) rasik totál estudante foun hamutuk na’in 195 foin mak halo inskrisaun hamutuk 105 signifika na’in 90 mak la halo inskrisaun.

Haktuir ba rezultadu inskrisaun ne’e rasik Pro-Reitor asuntu Akadémiku UNTL, Miguel Maia dos Santos aprezenta ona ba Diretór Jéral MESSK nu’udar Prezidenti KAES katak número inskrisaun UNTL nian atinji 80% no IPB nian 60%.

Entertantu, husi loron inskrisaun ne’ebé termina ona maibé sei iha estudante balun mak mai ho sira-nia razaun depende ba Reitór kuandu nia husu bele iha toleránsia maibé Reitór rasik mós la konsege halo buat ida konserteza dalan laiha ona atu fó tan toleránsia tanba haree ba prosesu tuir mai tenke konsentra ba orientasaun akadémika ne’ebé sei realiza iha loron 18-20 semana ne’e.

Notísia relevante:KAIS Aprezenta Ona Rezultadu Korresaun Teste Asesu UNTL Ba MESSK

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here