Prezidente Repúblika, Francisco Guterres Lú Olo. Imajen Tatoli/Egas Cristóvão

DILI, 13 fevereiru 2020 (TATOLI)–Prezidente Repúblika (PR), Francisco Guterres Lú Olo, hato’o profunda sentida kondolénsia ba família matebian Komandante Unidade Polísia Marítima (UPM), Lino da Silva Saldanha ne’ebé hakotu iis iha Hospital Nacional Guido Valadares (HNGV), ohin. 

Xefe Estadu hato’o sentida solidariedade ne’e, durante enkontru ho Komandante Jerál Polísia Nasionál Timor-Leste (PNTL), komisáriu Faustino da Costa, no segundu Komandante Mateus Fernandes iha Palásiu Prezidente Nicolau Lobato, Bairru Pité, Dili, ohin.

Lee mós: PNTL Lakon Komandante Di’ak Lino Saldanha

“Prezidente Repúblika hato’o ninia sentida kondolénsia no sentimentu solidariedade ba instituisaun Polísia Nasionál Timor-Leste no mós ba família”, Komisáriu Faustino hato’o ba mídia, hafoin enkontru.

Entretantu, Komandante Lino da Silva Saldanha ho idade 49, hakotu iis iha HNGV, ohin, kuaze tuku 10:30 otl, hafoin sofre moras fuan.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here