DNSA Kontinua Halo Manutensaun ba Kanalizasaun Bee-Moos. Imajen/DNSA

DILI, 13 fevereiru 2020 (TATOLI)-Servisu Água no Saneamentu (SAS), Munisípiu Dili iha tinan 2020 ne’e sei esforsu atu dada kanu bee moos ba komunidade nia–uma iha área Comoro tanba identifika komsumidór barak to’o oras ne’e seidauk asesu bee-moos.

Xefe Departementu Abastesimentu Água Munisípiu Dili, Francisco Pereira Xavier, informa komunidade barak maka seidauk asesu bee-moos tanba distánsia hela fatin dook liu hosi  kanu distribuisaun  jerál bee-moos  SAS nian.

Notísia Relevante :Abastesimentu Munisípiu Dili Instala Tan Bee Posu Lima

Mezmu identifika konsumidór  barak seidauk asesu bee-moos, maibé Xefe Departementu ne’e la esplika ho detallu ba públiku kona-ba total númeru hira.

Notísia Relevante :Aldeia Ailele-hun ho Lenuk-Hun Seidauk Asesu Bee Moos

“Regra ne’ebé mak iha katak distánsia metru 50-100 mak ita bele dada bee ba sira tanba uza kanu natón de’it tanba ne’e, ha’u hanoin komunidade sira ne’ebé mak hela dook pasiensia bá. Maibé ami mós esforsu hela oinsá mak sira asesu hotu,”katak Nia ba Agênsia TATOLI iha ninia servisu fatin Caicoli, Dili, ohin.

Notísia Relevante : Aldeia Haat iha Suku Manleuana Falta Bee Moos

Atu fasilita SAS hodi forñese bee-moos ba komsumidór ho sufisiente liután maka nia husu ba komunidade atu labele dada tan kanu ilegál sira.

“Tanba ne’e ita hakarak sira labele gasta kanu barak no dada hanesan supermie di’ak liu mak ita minimiza uluk kanu koak sira,”nia rekomenda.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here