Adjuntu PDHJ Miguel Pereira de Carvalho. Imajen/Domingos Piedade

DILI, 13 fevereiru 2020 (TATOLI)-Provedór Diretu Umanu no Justisa (PDHJ-sigla portugés) iha ninia publikasaun relatóriu trimestre dahuluk, kinta ohin, husu ba Komando Polisia Nasionál Timor-Leste (PNTL), atu reforsa formasaun rekursu umanu liliu iha área protesaun diretu umanu ba membru Polisia sira.

Provedór  Interinu, atuál Adjuntu PDHJ ba área governasaun di’ak, Miguel Pereira de Carvalho, hateten baseia ba relatóriu monitorizasaun no investigasaun faze dahuluk nian  ne’ebé hala’o ona iha Munisípiu Lautem, Baucau no Liquiça durante fulan-janeiru to’o fevereiru, rejista kazu integridade fízika hasoru sidadaun barak liu komete hosi membru PNTL.

“Tuir keixa sira ne’ebé ami simu no tuir ami nia investigasaun ne’ebé la’o konklui katak, membru PNTL hosi munisípiu tolu ne’e hala’o violasaun diretu umanu hasoru duni sidadaun,”informa , Miguel Pereira de Carvalho, ohin iha ámbitu lansamentu relatóriu ne’e iha salaun enkontru PDHJ, Caicoli, ohin.

Notísia Relevante :PDHJ Rejista Membru PNTL 62 Komete VDU- DBG

Iha biban hanesan Inspetór Jerál PNTL, Superintendente Xefe Polísia, Carlos Almeida, agradese ho publikasaun relatóriu ne’e tanba sei tulun polisia  atu proteze di’ak liután direitu umanu sidadaun sira-nian.

Notísia Relevante :Durante Fulan Rua PDHJ Simu Ona Keixa 53

Nia dehan tan dadaun ne’e PNTL estabelese ona sentru formasaun iha munisípiu hotu hodi fó formasaun ba membru polisia sira atu servisu ho profesionál hodi garante lei no ordem.

Notísia Relevante :Membru PNTL 324 Komete Irregularidade

Hatan ba relatóriu PDHJ kona-ba membru Polisia barak maka viola diretu sidadaun nian, Inspetór Jerál Polisia , Carlos Almeida, PNTL liuhosi Diresaun Asuntu Justisa dadaun ne’e hala’o ona prosesu investigasaun prelimináriu antes komandu foti sansaun disiplinár.

Notísia Relevante :PDHJ Rekomenda Kapasita Membru PNTL iha Protesaun Direitu Umanu

“Iha tempu badak komandu bele foti sansaun disiplinár ba nia membru hirak ne’e,”tenik tan.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here