Vise-Ministra ba Kuidadu Saúde Primáriu, Élia António de Araújo dos Reis Amaral. Imajen Tatoli/Egas Cristovão.

DILI, 13 fervereiru 2020 (TATOLI)-Ministériu Saúde lansa ró “mobile clinic” ba postu administrative Atauro ne’e hanesan meiu transporte lojistiku ida hodi fasilita inan sira ne’ebé mak bainhira atu partus

“Ró ne’e la’ós atu tula pasiente maibé liu-liu atu fasilita inan sira ne’ebé mak partus no hodi tula ekipamentu no medikamentu saúde atividade mobile clinic nian,” dehan Vise Ministra Kuidadu Saúde Primaria, Elia dos Reis, iha lansamentu ba ró mobile Clinic ba Postu Administrativu Ataúro iha Unidade Polisia Maritima, Lecidere, ohin.

Nia hatutan, transporta ró lojistika ne’e atu serbisu hodi hakbesik aan ba komunidade sira hodi halo atividade hanesan hala’o promomasaun edukasaun, saúde, fahe imunizasaun nomós atividade seluk.

Tanba ne’e, nia tatoli ba traballadór sira atu utiliza ró mobile clinic ne’e tenke responsavel ho profisionalizmu.

“Traballdór sira tenke konduz ho kuidadu no seguransa ba ró mobile clinic ne’e tenke halo preparasaun no manutensaun kada semana. Asegura limpeza no nsinu profisionál saúde tenke rejista kada atividade ne’ebé mak atu utiliza ró lojistiku ne’e,” nia tatoli.

Tanba ne’e, nia husu mós ba reprezentante Munisípiu Dili atu serbisu hamutuk ho ministériu saúde liu-liu Diretora Servisu Munisípiu Dili nian atu tau atensaun hodi mobiliza kada uma-kain, individuál nomós komunidade, suku no aldeia hodi halo limpeza jerál.

“Limpeza jerál ne’e hala’u, atu nune’e bele hadook komunidade sira husi moras dengue. Maske kazu moras dengue iha 38 maibé mate laiha. Entaun, ita tenke redus moras dengue ida ne’e,” nia dehan.

Nia infroma, ró “mobile clinic” ne’e apoiu fundu husi Governu Japaun ho NGO Share liu-husi Ministériu Saúde (MS) Timor-Leste nian, hodi distribui ba Postu Administrativu Atauro, Munisípiu Dili

“Ró nia modelu mak YAMAHA W-W23PH, medida ró naruk 7m, luan 2m, Aas 1m, todan 551kg, uza motor rua (2), ida 40kp, ida 15kp rezerva. Ró produz husi Nasaun Japaun ho total orasamentu mak $52,663.84 inklui shipping, fee, spare parts, no safety equipament,” nia esplika.

Jornalista : Felicidade Ximenes

Editór         : Rafy Belo

HAKEREK NO HATÁN

Please enter your comment!
Please enter your name here