Imajen/MF.

DILI, 13 fevereiru 2020 (TATOLI) – Ezekusaun Dotasaun Orsamentál Temporária (DOT) janeiru 2020 ho montante millaun $116,449.06 atinje de’it porsentu 46 ou millaun $54,615 husi montante ne’ebé alokadu ba kategoria haat.

Tuir portál Ministériu Finansa (MF) ne’ebé TATOLI sita katak kompromisu no obrigasaun ho valór millaun $3,603 ne’ebé la konsege ezekuta iha janeiru sei tranzita (carry forward) ba fevereiru.

“Maibé pagamentu ba obrigasaun kontratuál sira ne’e sei kobre husi apropriasaun DOT fevereiru 2020”, refere komunikadu ne’e.

Alokasaun DOT fulan kotuk ba kategoria haat mak hanesan saláriu no vensimentu millaun $17,852.08 atinje porsentu 78,48, sasán no serbisu millaun $38,614.98 atinje porsentu 32,99, transferénsia públika millaun $26,591.05 atinje porsentu 60,29 no kapitál dezenvolvimentu millaun $33,390.95 atinje porsentu 35,44.

Saldu iha kaixa inisiál iha 1 janeiru ho valór millaun $290,864, no reseita doméstika ne’ebé arrekada iha fulan refere mak millaun $18,884.

Edisaun : Maria Auxiliadora

HAKEREK NO HATÁN

Please enter your comment!
Please enter your name here