Treinadór Simon fó instrusaun ba jogadór Lalenok United FC. Imajen espesiál

DILI, 12 fevereiru 2020 (TATOLI)–Treinadór nasionalidade Chile, Simon Elissetce, ne’ebé hetan fiar hosi Lalenok United FC daudaun ne’e hala’o ona nia serbisu hodi fó treinamentu ba jogadór Lalenok hodi prepara ba Liga Amadora époka 2020.

“Ha’u hahú fó treinu ona ba jogadór Lalenok iha segunda loraik horisehik. Ami sei treinu iha loraik-loraik atu prepara ba époka ida-ne’e,” Simon ba Agência Tatoli via rede sosiál, kuarta ne’e.

Nia dehan, kona-ba kondisaun jogadór nia haree di’ak hotu. Maibé, nia kontinua halo evaluasaun hodi fihir didi’ak jogadór idak-idak atubele haree sé di’ak hotu entaun mantein. Sé balun seidauk di’ak sei sujere ba klube atu sosa tan.

Entretantu, klube kontratu treinadór refere durante fulan-sanulu.

“Lalenok fó kontratu mai ha’u to’o fulan-10. Hahú agora to’o 10 dezembru,” Simon haktuir.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here