Sekretáriu Estadu Juventude no Desportu, Nélio Isaac Sarmento. Imajen Tatoli/Egas Cristóvão

DILI, 12 fevereiru 2020 (TATOLI)–Sekretáriu Estadu Juventude no Desportu, Nélio Isaac Sarmento hateten prosesu konkursu foun ba Estádiu Munisipál Dili sei iha hela Komisaun Nasionál Aprovizionamentu (CNA-sigla Portugeza) nia liman.

“Prosesu konkursu foun ba Estádiu Dili ne’e sei iha hela CNA. Prosesu verifikasaun hotu ona. Konsellu Administrasaun Fundu Infraestrutura (KAFI) mós fó ona kbiit ba CNA no Ajénsia Dezevolvimentu Nasionál (ADN) no SEJD atu fórmula prosesu tékniku nian atu prosesu ne’e bele la’o,” Nélio ba Agência Tatoli iha
Palácio do Governo, Dili, kuarta ne’e.

Lee mós: Obra Estádiu Dili Paradu Tanba Kompañia Iha Problema Finanseiru

Nia dehan, to’o agora seidauk bele la’o ne’e tanba prosesu atu haree kompañia ne’ebé atubele kaer obra refere SEJD rasik seidauk hatene tanba buat hotu iha CNA mak sei deside.

Maski prosesu ba obra ne’e paradu hela maibé Governante ne’e garante sei utiliza jullu mai ne’e ba jogu Komunidade Ko’alia Lian Portugeza (CPLP-sigla Portugeza).

“Ha’u fiar katak ho aprezentasaun ami-nian iha Konsellu Ministru, Ministru Agio Pereira mak Prezidente en-ezersísiu ba KAFI tanba ne’e ha’u fiar sei rezolve problema hirak-ne’e. Governu sei finaliza Estádiu Munisipál Dili antes jogu CPLP,” Nélio afirma.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here