Labarik fa'an manu tolun da’an iha Dili laran hodi asisite juventude sira hatais roupa tradisionál halo marxa. Imajen/António Gonçalves

DILI, 12 fevereiru 2020 (TATOLI)-Komisaun Nasionál Direitu Labarik (KNDL) sei dezenvolve planu estratéjiku no planu asaun ba periodu tinan lima (2020-2025) hodi kombate traballu infantíl iha Timor-Leste.

Notísia Relevante : 2020, KNDL Kria Ekipa Task Force Kombate Traballu Infantíl

Komisária Nasionál Komisaun Direitu Labarik, Dinorah Granadeiro. Imajen/TATOLI

Komisária KNDL, Dinorah Granadeiro informa, KNDL hahú halo levantamentu  dadus ba traballu infantíl iha Munisípiu Dili hodi identifika loloos fatór sira kauza ba labarik involve iha servisu infantíl hanesan fa’an sasán, fase karreta no servisu sira seluk tan.

“Hafoin finaliza planu estratéjiku ne’e, KNDL sei trasa planu asaun tinan lima, oinsá atu bele responde movimentu sirkulasaun labarik sira nian atu kombate traballu infantíl,” hateten Komisária Dinorah Granadeiro, hodi responde Ajénsia TATOLI, ohin, liu husi telefónika.

KNDL mós sei servisu hamutuk ho liña ministerial sira hanesan Ministériu Solidariedade Sosiál no Inkluzaun, Ministériu Edukasaun, Sekretária Estadu Polítika Formasaun Profisionál no Empregu (SEFOPE), Polisia Nasional Timor-Leste (PNTL) no parseiru internasionál UNICEF, PLAN Internasionál, World Vision, hodi dezenvolve di’ak liu planu ne’e.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here