DILI, 11 Janeiru 2020 (TATOLI)–Xefe Departamentu Lojistika no Aprovizionamentu AMRT, Wahyu Yudawati informa, totál DOT (Dotasaun Orsamentu Temporaria) ne’ebé aloka ba Arkivu no Muzeu Rezisténsia Timorense (AMRT) ba fulan Janeiru-Fevereiru hamutuk $529,602.

Tuir nia, husi total DOT hamutuk $529,602 ne’e aloka ba janeiru hamutuk $264.801,59 no ba fevereiru hamutuk $264.801 ne’ebe bazeia ba Orsamentu Jerál Estadu 2019 ne’ebé fahe ba fulan 12.

“Bazeia ba regra DOT refere uza ba kategoria maka Bens no Sevisu inklui saláriu no vensimentu, manutensaun no despeza seluk maka (ATK no mós produtu Limpeza),” dehan Wahyu Yudawati ba Ajensia TATOLI iha nia knar fatin, ohin.

Nia infroma, ho montante orsamentu refere implika mós ba programa AMRT nian ne’ebé planeadu tiha ona iha tinan kotuk hosi dirasaun haat maka Dirasaun Unidade Edukativa & Kultural, Dirasaun Muzeulogia, Dirasaun Audiovizual, no Dirasaun Administrasaun rasik.

“Loloos, ami tenke redus programa divulgasaun liuhusi semináriu kona-ba importánsia istória rezisténsia iha munísipiu ne’ebé kada tinan realiza dala-ualu maibé ho orsamentu DOT ne’e tenke redus ba dala neen de’it,” nia informa.

Aleinde ne’e, nia haktuir, programa refere maka hetan redusaun tamba orsamentu duodésímu iha mós programa tolu ne’ebé maka hetan redusaun ba atividade sira seluk

“Iha mós redusaun atividade sira ba programa rekolla fontes orais, programa rekrutamentu ba pesoál no mós rekolla dokumentu rezisténsia ida ne’e maka programa sira ne’ebé ezekuta tanba adopta orsamentu duadesimu.” tenik Wahyu Yudawati.

Jornalista  : Nelia Borges

Editór         : Rafy Belo

HAKEREK NO HATÁN

Please enter your comment!
Please enter your name here