Aplikante atu hetan karta kondusaun motor nian tuir hela ezame pratika iha fatin ezame pratika Departamentu Karta Kondusaun, DNTT, Akanunu, Hera. Imajen/Osória Marques

DILI, 12 fevereiru 2020 (TATOLI) – Atu iha atendimentu ida efikásia no efisiénsia ba espetativa servisu Diresaun Nasional Transporte no Terrestre (DNTT) nian, maka  presiza tebes aumenta tan kuantidade rekursu umanu no fasilidade.

Notísia Relevante : Janeiru 2020, DNTT Emite Karta Kondusaun 2,072

Xefe Departamentu Karta Kondusaun DNTT, Florentina Bento Alves Pereira. Imajen/ Osória Marques

Xefe Departamentu Karta Kondusaun DNTT, Florentina Bento Alves Pereira, hateten, durante ne’e atendimentu DNTT nian ba espetativa públiku nian la dun másimu, tanba menus rekursu umanu no fasilidade.

“Ba rekursu umanu, ami presiza tebes atu bele mellora atendimentu ida di’ak liu ba públiku, inklui fasilidade. Nune’e, prosesu sira atu emite karta kondusaun ba públiku la presiza demora han to’o semana ou fulan,” tenik Florentina Bento Alves Pereira, ba Ajénsia TATOLI iha nia servisu fatin, Akanunu, Hera, tersa (11/02/2020).

Durante ne’e, funsionáriu Departamentu Karta Kondusaun DNTT nian iha  Hera hamutuk na’in 24 kompostu husi permanente na’in  17 no kontratadu na’in hitu (7). Ho númeru ne’e, tuir Florentina Bento Alves Pereira, la duun sufisiente atu bele atende públiku ho lalais.

“Ami-nia rekursu umanu ida ne’e seidauk bele sufisiente fó atendimentu ba kliente rihun ba rihun. DNTT Hera iha komputadór  sia (9) ne’ebé mak hodi rejistu no prosesu dokumentasaun kliente nian,” nia hateten.

Jornalista  : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here