MSSI apoia kaixaun ba família kbiit laek. Imajen/Dok.TATOLI

DILI, 11 fevereiru 2020 (TATOLI)-Ministériu Solidaridade Sosiál no Inkluzaun (MSSI), durante tinan 2019 liubá forñese ona kaixaun ba família kbi’it la’ek 1,162 iha territóriu.

Diretór Nasionál Asisténsia Sosiál (DNAS), Lucas Teos, informa MSSI fó apoiu kaixaun hirak ne’e baseia ba pedidu hosi benefisiáriu ida bainhira sira-nia família mate.

“Kritéria atu hetan apoiu sira rasik halo karta ba autoridade lokál, no mai direita iha MSSI hodi bele hetan apoiu,”katak, Lucas Teos ba Agência TATOLI, iha ninia servisu fatin, segunda (11/02/2020).

Notísia Relevante :Janeiru-Juñu, MSSI Fornese Kaixaun 400 Resin

Alende kaixaun, DNAS mós fasilita karreta funeráriu ba família kbi’it la’ek sira hodi transporta mate isin to’o iha Suku, Postu Administrativu no Munisípiu sira.

Notísia Relevante :MSSI Fornese Ona Kaixaun 856 ba Familia Kbiit Laek

“Tuir dadus ne’ebé rejista iha tinan 2019 ita konsege apoiu transporta mate isin iha territóriu hamutuk 1.495,”tenik, Lucas Teos.

Notísia Relevante :2006-2019, MSSI Halo’ot Mate Isin Deskoñesidu 25

Entretantu, iha tinan 2019, Ministériu Solidaridade Sosiál no Inkluzaun (MSSI) aloka orsamentu hamutuk $ 159.510 hodi kontrata kompaña nasionál, Murak Tasi Mane ho Roman Unipesoál hodi prodús kaixaun ho medida ba ema boot no kiik.

Notísia Relevante :MSSI Prevee Rihun $200 Sosa Karreta Funeráriu Lima

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here