Foos Governu ne'ebé atu distribui ba apoiu sosiál. Imajen/MSSI

DILI, 11 fevereiru 2020 (TAOLI)-Iha tinan 2019 liubá, Ministériu Solidaridade Sosiál no Inkluzaun (MSSI) distribui ona foos ho killograma 25 hamutuk saka 23.275 hodi fó apoiu ba família kbi’it la’ek, orfanatu, sentru komunitáriu ho vítima dezastre naturál.

“Durante tinan 2019 ita konsege fó ona apoiu foos saka 23.275 ba apoiu sosiál iha munisípiu hotu la inklui Oé-Cuse,”informa, Diretór Nasionál Asisténsia Sosiál, Lucas Teos, ba Agência TATOLI, iha ninia servisu fatin, Caicoli Dili, segunda ohin.

Notísia Relevante :MSSI Apoiu Foos ba Familia Kbiit Laek 50 iha Liquiça

Diretór DNAS esplika apoiu ne’e baseia ba pedidu hosi benefisiáriu hodi presta servisu ba grupu vulneravel, família afetadu dezastre naturál baseia ba verifikasaun dadus hosi pontu fokál iha Munisípiu sira.

MSSI, liuhosi Diresaun Nasionál Sentru Lojístika Nasionál (CLN-siglá portugés) iha tinan 2019 aloka osan hamutuk rihun $ 500 hodi sosa foos. Tanba ne’e armajén nasionál no Munisípiu sira iha stoke saka 1.725 sei sufisiente.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here