Diretór Nasionál DNISRK, Victor da Costa Neto. Imajen/Osória Marques

DILI,10 fevereiru 2020 (TATOLI)-Diresaun  Nasionál Idetifikasaun Sivíl no Rejistu Kriminál (DNISRK), Ministériu Justisa, dadaun ne’e iha ona stoke blanku billete identidade (BI) foun hamutuk rihun 55 hodi atende públiku iha territóriu Timor-Leste durante tinan 2020.

Diretór Nasionál Identifikasaun  Sivíl no Rejistu Kriminál, Victor da Costa Neto, informa, blanku BI ne’ebé iha sei distribui ba Munisípiu 12, inklui Rejiuan Autónomu Espesiál Oé-Cuse Ambeno (RAEOA) tuir pedidu hosi Munisípiu ida-idak.

Notísia Relevante : DNRN Normaliza Ona Tratamentu Billete Identidade

DNISRK seidauk bele halo distribuisaun  blanku BI foun ba Munisípiu no RAEOA tanba stoke tuan sei iha hela.

“Agora dadaun stoke blanku iha ona ami-nia fatin hamutuk rihun 55 ne’ebé atu fahe ba munisípiu 12 inklui RAEOA maibé seidauk bele tanba ami hein hela BI tuan hotu tiha lai mak foin distribui,”dehan, Diretór Victor da Costa Neto, ba TATOLI, iha ninia servisu fatin Bebora Dili, ohin.

Notísia Relevante : Sinar Media Sai Fornesedór Blanku BI

Blanku BI ne’e sosa ho orsamentu jerál estadu 2019, maibé Diretór Victor da Costa Neto, la lembra ninia montante orsamentu ba item ne’e.

Notísia Relevante :DNISRK Fó Atendementu BI ba Labarik

“Stoke  ida agora iha ne’e, ami uza orsamentu jerál estadu 2019 nian. Hein halo divizaun maibé agora dadaun iha ne’e ami adapta ba ami-nia estrutura foun tanba uluk Diresaun Nasionál agora muda fali ba Diresaun Jerál,”tenik nia.

Notísia Relevante :2019, DNISRK Emite Ona BI 44,789

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here