Logotipu Serviço de Migração Timor-Leste

DILI, 10 fevereiru 2020 (TATOLI) – Emisaun vistu traballu ne’ebé   durante ne’e hala’o husi Ministériu Negósiu Estranjeiru no Kooperasaun (MNEK), ohin, ofisializa hodi entrega no sentraliza ona iha Servisu Migrasaun Timor-Leste nian.

Notísia Relevante : Ministru Paixão Husu Servisu Migrasaun Evita Kobransa Ilegál

Ho transferénsia ne’e, ohin, Ministériu Interior (MI) liu husi Diresaun Jerál Servisu Migrasaun, iha edifísiu Ministériu Interior, Vila Verde, Dili, hala’o lansamentu hodi sentraliza tiha servisu atendimentu vistu traballu ba sidadaun estranjeiru ne’ebé tama sai iha Timor-Leste iha Servisu Migrasaun nia kompeténsia.

Sekretariu Estadu Protesaun Sivíl, Alexandrino Xavier de Araújo.

Ministru Interior Interinu, atuál Sekretáriu Estadu Protesaun Sivíl, Alexandrino Xavier de Araujo hateten, transferénsia servisu emisaun vistu traballu husi MNEK mai Servisu Migrasaun ne’e  bazeia dekretu lei númeru 11/2017.

Notísia Relevante : Servisu Migrasaun Deporta Sidadaun Indonézia 12

“Ho lansamentu ne’e, hahú ohin ba oin, vistu traballu ne’ebé uluk emite iha MNEK transfere ona mai Servisu Migrasaun mak sei atende,” informa SEPS Alexandrino Araújo.

Nia apresia ho servisu migrasaun durante ne’e no husu atu kontinua hala’o servisu ho responsabilidade no sentidu Estadu.

Diretor Jeral Servisu Migrasaun, Superintendente Polisia Agostinho da Silva Gomes. Imajen/Eugenio Pereira

Iha serimónia lansamentu ne’e, Diretór Jerál Servisu Migrasaun, Superintendente polísia Agostinho da Silva Gomes, informa, atendimentu Servisu Migrasaun sei haree ba sidadaun estranjeiru ho vistu kortezia, transit, turizmu, traballu, negósiu, autorizasaun rezidénsia, estadia temporáriu no estudante.

Partisipa iha serimónia lansamentu ne’e kargu xefia Servisu Migrasaun no funsionáriu sira.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here