Koordenadór Jerál Liga Juvenil Timor-Leste, Diogo Neto (klaran). Imajen Tatoli/Hortençio Sanchez

DILI, 07 fevereiru 2020 (TATOLI)–Koordenadór Jerál Liga Juvenil Timor-Leste (LJTL), Diogo Neto hateten nia sente la konfortável ho desizaun ne’ebé Federasaun Futeból Timor-Leste (FFTL) deside hodi muda prémiu ne’ebé atu oferese ba manán-na’in sira ne’ebé durante ne’e partisipa iha jogu juvenil.

“Nu’udar koordenadór ba jogu ida-ne’e kompeténsia ne’ebé ha’u simu la’ós absoluta ida. Kompeténsia ne’e ita bele hateten katak hanesan metade de’it hodi jere jogu ne’e maibé finansiamentu iha hotu FFTL nia liman. Desizaun fó sai la’ós mesak maibé halo koordenasaun ho sira. Bainhira atu fó-sai ba públiku kona-ba prémiu sira-ne’e ami iha uluk reuniaun no sira permite ha’u katak desizaun tenke tuir saida maka ha’u relata ona. Bainhira ikus mosu oin seluk ha’u sente ladún konfortável,” Diogo dehan iha edifísiu Liga Futeból Amadora (LFA), Bairro Formosa, Dili, sesta ne’e.

Lee mós: FFTL La Aseita Desizaun Komisaun Konjunta LJTL  

“Maibé, buat hotu la’o loos ona. Horisehik meiudia Diretór Kompetisaun bolu ha’u aprezenta mai ha’u ho lista foun fali. Entaun, ha’u hakfodak iha FFTL ne’e sé loos mak iha kompeténsia. Adjuntu Sekretáriu Jerál mak orienta ha’u pronúnsia sai ba públiku. Nusá mak iha alterasaun mai mosu oin seluk fali. Entaun, ha’u hakfodak maibé laiha buat ida. Buat sira-ne’e hanesan lisaun mai ita oinsá bá-oin jere buat sira-ne’e hanesan ne’e,” Diogo haklaken.

Maski nune’e, tuir nia, desizaun hotu fila ba FFTL tanba finansiamentu hotu mai hosi FFTL.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here