Logo UNITAL.

DILI, 07 fevereiru 2020 (2020)-Planu Universidade Oriental Timor Lorosa’e (UNITAL) atu harii klínika hahú realiza tanba dezeñu klínika no BoQ (Bill of Quantity) ka Lista Kuantidade konklui ona no agora daudadun atu entrega ba fundasaun hodi hetan aprovasaun.

Reitor Unital, Florindo Pereira. Imajen Egas Cristovão

“Horiseik (kinta) ema ne’ebé ita fó responsalblidade ba dezeñu ne’e mai ona halo pedidu pagamentu tanba BOQ mós hotu ona. Ha’u halo ona despaixu ba finansa hodi prosesa ona pagamentu sira ne’e,” Magnifiku Reitór Florindo Pereira informa ba Agência TATOLI iha kampus UNITAL, ohin.

Tuir nia, depois pagamentu ne’e hotu ona sei aprezenta uluk iha fundasaun kuandu aprova ona mak foin halo prosesu administrasaun ba Ministériu Obras Públikas (MOP) atu hetan mós aprovasaun foin mak bele loke prosesu konkursu públiku.“Ita sei la hili malu atu realiza obras ne’e maibé husi konkursu mak ita sei alkansa rezultadu ida ne’ebé di’ak no justu”.

Nia espera katak kuandu laiha difikuldade ba prosesu sira ne’e hotu, planu loloos atu hahú prosesu ba oin iha tinan ida ne’e bele realiza ona tanba ne’e husi inísiu kuandu universidade alerta planu prioridade ne’e parte hotu fó sira nia apoiu tanba haree ba aspeitu akadémiku nian bele ajuda mós esudante sira husi departementu medisina bele halo sira nia estajiu. Alende ne’e bele fasilita mós komunidade sira ne’ebé hela iha área Becora bele asesu iha klínika ne’e.

Notísia relevante:2020, UNITAL Sei Loke Konkursu Projetu Harii Klínika

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here