Prezidente Eleitu FFTL periodu 2018-2022, Francisco Jerónimo.

DILI, 07 fevereiru 2020 (TATOLI)–Prezidente Federasaun Futeból Timor-Leste (FFTL), Francisco Jerónimo hateten sira halo ona planu atu iha tinan ne’e Liga Juvenil Timor-Leste (LJTL) labele envolve klube 8 de’it. Maibé, sei envolve mós asosiasaun futeból hotu ne’ebé durante ne’e hamahan-an iha FFTL.

“Ami-nia planu iha ona. Tinan ne’e, Liga Juvenil labele envolve de’it klube 8 maibé enolve mós asosiasaun futeból sira hotu,” Francisco dehan iha edifísiu FFTL, Bairro Formosa, Dili, sesta ne’e.

Iha parte seluk, nia dehan, tuir regra ne’ebé iha Liga ida klube hirak partisipa tenke iha ekipa seniór no juniór nune’e atividade hotu la’o rua ne’e tenke la’o hotu.

“Haree ba Liga ita-nian Timor-Leste kontráriu tiha fali. Ita iha Liga Amadora ba seniór maibé laiha Liga Amadora ba Juvenil. Entaun, bá-oin ita tenke hadi’a nune’e bele partisipa no prenxe kritéria sira FIFA no AFC nian atu klibe hotu bele hetan dalan luan para bele joga iha Liga sira Ázia nian”, nia dehan.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here