Veteranu Antonio Aitahan Matak. Imajen/Domingos Piedade Freitas

DILI, 06 fevereiru 2020 (TATOLI)-Relasiona ho impase polítika ne’ebé dadaun ne’e akontese iha rai-laran, veteranu António Aitahan Matak husu ba lidér sira iha nasaun ne’e atu tuur hamutuk hodi buka solusaun.

“Nasaun ne’e persiza ita hotu nia unidade, atu labele mosu problema oioin,” dehan, António Aitahan Matak, ba TATOLI, iha Suku Camea, Postu Administrativu Cristo Rei,Dili,kuarta (05/02/2020).

Notísia Relevante :Veteranu Hotu Presiza Hamutuk Rezolve Impase Polítika ho Dame

Nia hateten mezmu lidér nasaun sira iha diferensia idea ba malu maibé hotu hotu iha interese boot atu dezenvolve Timor-Leste.

Notísia Relevante :Veteranu  Suku Camea Husu Lidér Nasionál Kria Diálogu

“Difikuldade saida mak ita enfrenta persiza hamutuk hodi buka dalan nune’e rezolve labele aumenta tan problema seluk,” katak nia.

Veteranu ne’e mós husu ba sidadaun hotu-hotu iha territóriu atu labele aproveita situasaun polítika rai-laran hodi kria instabilidade.

Notísia Relevante :Bispu Sira Rekomenda Xefe Estadu Solusiona Impase ho Lei

Maibé nia informa hotu-hotu buka atu kontribui ba estabilidade nasionál hodi dudu dezenvolvimentu nasaun nian.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here