Diretora Jerál Asuntu ASEAN, Milena Rangel.Imajen: Nelia Fernandes

DILI, 06 janeiru 2020 (TATOLI)-Ministru Negósiu Estranjeiru no Kooperasaun (MNEK), Dionísio Babo Soares, ohin, hasoru malu ho Grupu Estabelesidu ne’ebé Trata Asuntu Ekonomia Timor-Leste (GETAETL) hodi halo peparasaun simu misaun eksploratória hosi pilár ekonomia ne’ebé sei mai iha Timor-Leste (TL), iha tempu badak ne’e.

Diretora Jerál Asuntu ASEAN, Milena Rangel haktuir, grupu refere estabelesidu ona iha fulan hira nia laran no intensifika atividade barak. Ho vizita ida ne’e, nia dehan, hodi hatudu katak TL iha ona grupu ekonomia ida ne’ebé bele hala’o knaar iha asuntu ekonomia hosi pilár Asean nian.

“Papél prinsipál ne’ebé grupu ne’e halo dahuluk liu maka atu intende uluk rekerimentu sira ba akordu no tratadu ASEAN nian ne’ebé halai liu ba área ekonomia no asuntu tékniku ne’ebé grupu ne’e sei haree hamutuk hodi prepara Timor-Leste nia konformidade ba asuntu ekonomia nian,” Diretora Jerál, Milena Rangel hateten, hafoin ramata enkontru iha MNEK, ohin.

Entretantu, ADB TLRM Country Director, Sunil Mitra informa, sira-nia parte sei kontinua suporta Governu Timor-Leste liuhosi Ministeriu Negósiu Estranjeiru no Kooperasaun (MNEK) hodi garantia katak Timor-Leste preparadu.

“ADB suporta ona Timor-Leste tinan ida resin liuhosi MNEK hodi asesu ba adezaun ASEAN iha pilár tolu maka hanesan Sosiál, Ekonómia, Kultura no seguransa. Tanba ne’e, ami sei kontinua suporta nafatin MNEK hodi garantia buat hotu preparadu no responde ba pergunta hosi vizita misaun Fact Finding iha tempu hanesan mós ajuda Timor-Leste asesu ba WTO (World Trades Organitation),” Country Director ADB, Sunil Mitra, hateten.

Entretantu, nia informa, grupu refere konsiste hosi Trades Investment, MTCI (Ministériu Turizmu Komersiu Indústria), Costums no ADB, tanba ADB rasik maka prepara asisténsia téknika ba grupu refere hodi prepara Timor-Leste ba adezaun ASEAN iha área ekonomia.

Notísia relevante:Ekipa Delegasaun ASEAN “Fact-Finding Mission” Enkontru Dahuluk Ho MNEK

Jornalista : Nelia Borges

Editór        : Rafy Belo

HAKEREK NO HATÁN

Please enter your comment!
Please enter your name here