Diretór Jerál DNRN, Crisogno da Costa Neto. Imajen/Domingos Piedade

DILI, 06 fevereiru 2020 (2020) –Diresaun Nasionál  Rejistu Notariadu (DNRN) iha Munisípiu Dili, Bobonaro ho Rejiaun Administrativu Espesiál Oe-Cusse Ambeno (RAEOA) emite ona pasaporte komún hamutuk 27,068 ba Timoroan sira.

Notísia Relevante : DNRN Instala Mákina Emisaun Pasaporte Eletrónika iha Munisípiu Haat

Diretór Jerál DNRN, Crisogno da Costa Neto, informa, pasaporte ho kategoria tolu; pasaporte komún, diplomata ho pasaporte servisu, ne’ebé emite husi DNRN barak liu mak pasaporte komún.

Dadus ne’ebé iha hatudu katak Timoroan ne’ebé mak halo pasaporte iha Munisípiu Dili ho kategoria komún hamutuk  na’in 24,630, iha Bobonaro (1,551) no iha RAEOA hamutuk  na’in 887.

Crisogno da Costa Neto ba Ajénsia TATOLI, ohin, iha nia servisu fatin, Mandarin, Dili, esplika, nesesidade Timoroan sira halo pasaporte tanba balun hakarak kontinua nia estudu iha rai li’ur, balun fali hakarak halo viajen ba estranjeiru no balun ba buka servisu iha rai li’ur.

“Atu dehan de’it katak, kada loron ema kontinua halo pasaporte ninia volume aumenta beibeik, liuliu iha Dili, Bobonaro ho RAEOA,” hateten Crisogno Neto.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here